Máis restricións á mobilidade. Toque de queda adiantado ás 10 da noite e 63 concellos en confinamento perimetral. Son novas medidas anunciadas hoxe pola Xunta para frear unha vaga de contaxios que xa sitúa a Galicia entre as comunidades con maior risco. //Galicia supera por primeira vez os mil novos contaxios diarios, e notifícanse outros doce falecementos. as cifras empeoran en tódalas áreas sanitarias e os pacientes hospitalizados superan os 500, con 73 nas UCI. //Comenza o programa para administrar a primeira dose da vacina aos 20.000 profesionais sanitarios que se consideran máis expostos. O Sergas quere telo rematado o próximo venres. //Aprender a través do xogo, a maxia e o humor. É a receita que emprega cos alumnos Alicia Tojeiro, mestra do colexio Parga Pondal de Oleiros, que acaba de ser nomeada Mellor docente de Primaria de España. 13-01-2021
