Preocupación polo gromo relacionado con esa nave de transformación avícola en Cambados. Hai xa Cerca de cen contaxios, entre traballadores da planta, os seus familiares e contactos cercanos. No conxunto de Galicia os casos activos baixan lixeiramente e non se rexistraron mortes por COVID-19 nas últimas horas. // A tensión aumenta para os traballadores de Alcoa, ao achegarse a fin do prazo para que a multinacional negocie a venda da planta de aluminio ao Grupo británico Líberty House. Os representantes sindicais ven con recelo a actitude da empresa e reclaman a intervención do goberno. // A obriga de levar máscara na aula en todo momento complica a comunicación dos alumnos nun instituto de Oleiros coa sua profesora con discapacidade auditiva. A consellería de Educación estuda a mellor solución para o seu caso. 25/09/20
