Unha forte borrasca situada fronte ás illas británicas vai provocar a partir desta tarde mar de fondo e ondas de ata sete metros, sobre todo, no litoral das provincias da Coruña e Lugo. Mañá o temporal no mar aínda vai arreciar e a altura das ondas pode superar os oito metros, polo que a situación será de alerta vermella // Inaugurado o novo edificio xudicial de Ourense. Unhas modernas instalacións que albergan 24 xulgados e 16 novas salas de vistas que tratan de paliar os problemas de espazo que presentaba o vello inmoble no que se atopaban ata agora. Ten capacidade para 200 funcionarios e para atender cada día a unhas 1000 persoas // O modelo urbano de Pontevedra preséntase estes días en Dubai coma un dos 11 mellores do mundo, segundo un concurso auspiciado polas Nacións Unidas e do que os premios son entregados neste Emirato do Golfo Pérsico. 23/02/15
