Ultimo día de clase nos colexios e institutos galegos porque hoxe rematou oficialmente o curso 2015-16 para catrocentos mil estudantes de infantil, primaria, ensino secundario e formación profesional dos 1200 centros de ensino de Galicia // O dianteiro do Celta, Nolito, ten xa apalabrado o seu traspaso a premier league, ó Manchester City que dirixirá Pep Guardiola. Trataríase en principio dun acordo por tres anos co clube inglés. Mentres o Deportivo asinou a súa cuarta fichaxe para a próxima temporada. É o extremo, Borja Valle de 23 anos que procede do Oviedo // A Axencia Estatal de Meteoroloxía prevé un verán seco. As previsións, anunciadas esta mañá falan duns meses de xullo, agosto e setembro con temperaturas iguais que as da media dos últimos 30 anos pero en canto ás precipitaciòns prevén que xexan algo inferiores ao habitual nesta zona xeográfica. 22/06/16
