O Ministro de Sanidade confirma o pase de Galicia a Fase 2 a partir do próximo luns. A Hostalaría, o comercio e outras actividades ultiman os preparativos para a nova situación que suporá tamén máis facilidades para o desprazamento. Estará autorizado o uso recreativo das praias ainda que se establecerán medidas para garantir a distancia entre os bañistas.// O Consello da Xunta estuda un novo plan de loita contra os incendios adaptado as restriccións impostas pola alerta sanitaria. Feijóo reclama ao goberno central que se permita a mobilidade dentro das catro provincias galegas e critica o acordo con Bildu para derogar a reforma laboral. //A desescalada fai aumentar en moitas familias as dificultades para a conciliación. Os pais reclaman solucións para a volta progresiva á actividade laboral, logo do confinamento, mentres os colexios seguen pechados, e sen poder recurrir aos avós como grupo de risco. 22/05/20
