Medio rural xestionará en 2017 máis de 518 millóns de euros, un 3% máis que no presente exercicio, e apostará pola reestructruación da terra, a calidade alimentaria e por fixar poboación. Así o explicou hoxe a conselleira Ángeles Vázquez, que presentou as súas contas no Parlamento // O primeiro buque do mundo de carga de vehículos capaz de navegar con gas licuado e diesel carga hoxe no porto de Vigo. Levará nas súas adegas 2.400 coches fabricados por PSA con destino a Bélxica // O próximo domingo terá lugar en Vilalba a feira do capón. Un dos manxares típicos do nadal. Poranse á venda medio milleiro de exemplares a uns prezos que se agarda anden entre os 80 e os 120 euros o capón. 16/12/16
