As localidades de Nigrán e a Guarda son hoxe os escenarios onde se pón de manifesto a dor polo atropelo de ciclistas que deixou, esta fin de semana un morto e sete feridos. En Nigrán onde vivía e traballaba o ciclista falecido gardouse un minuto de silencio e na Guarda, onde se rexistrou o accidente é hoxe día de loito oficial // Os sete ciclistas que sobreviviron ao atropelo recupéranse das súas feridas en dous hospitais de Vigo. Dos catro que están ingresados en coidados intensivos, tres están críticos polos golpes que recibiron na cabeza e outro moi grave // Efectivos de salvamento reanudaron esta mañá a busca do pescador desaparecido en Punta Nariga en Malpica. Por aire, mar e terra tratan de localizar o home afeccionado á pesca do que se descoñece o seu paradoiro dende hai máis de 24 horas. 14/03/16
