A dirección de Navantia explícalles aos sindicatos o plan da empresa pública para os próximos 4 anos, do que os traballadores temen recortes. En Ferrol un grupo deles pechouse no Concello como medida de presión // A Xunta vaille enviar ao Parlamento un plan director de industria baseado na inclusión das factorías galegas nas cadeas de valor internacionais e co que pretende aproveitar os proxectos de desenvolvemento que vai por en marcha a Unión Europea // Desde hoxe é posible solicitar unha consulta telefónica co noso médico de familia, en calquera centro de saúde de Galicia // Morre o exxeneral Alfonso Armada, condenado no seu día por participar no golpe de Estado do 23F, en 1981. Tiña 93 anos e estaba ingresado en Madrid. Nos últimos anos, pasaba tempadas no seu pazo de Vedra, dedicado ao cultivo de camelias // O Celta alónxase do descenso coa vitoria fronte ao Almería. No derbi galego de Segunda, entre o Deportivo e o Lugo, reparto de puntos en Riazor. 02/12/13
