Mellor xuntos
“Mellor xuntos” é un programa dedicado a dar a coñecer as historias de distintas cooperativas gal...
País: España
Idioma: Gallego
Contenido: Reportajes
Tema: Sociedad
URL: http://www.crtvg.es/tvg/a-carta/programa/mellor-xuntos
País: España
Idioma: Gallego
Contenido: Reportajes
Tema: Sociedad
URL: http://www.crtvg.es/tvg/a-carta/programa/mellor-xuntos
Episodios disponibles para ver online
Cousas da terra, Encomún proxectos, Feitoría verde e UGACOTA - 05/04/2017 11:45
“Mellor Xuntos” achégase a Cousas da Terra, onde varias socias rexentan unha tenda de produtos ecolóxicos e artesáns. Este establecemento hostaleiro busca potenciar o comercio xusto. Ademais, visitan a consultoría Encomún Proxectos, que comparte espazo con “Feitoría Verde”, unha cooperativa de educación ambiental formada por catro mulleres. O programa preséntanos tamén a Unión de Cooperativas de traballo Asociado-UGACOTA, unha entidade que representa ao cooperativismo do traballo asociado en Galicia e que axuda a un proxecto cooperativo de estilismo que está a nacer en Compostela.
Xeitura, Algalia, Antelco e Val Xestoso - 29/03/2017 11:45
Mellor xuntos fai un percorrido de Ourense ao val de Xestoso, pasando por Cualedro, Allariz, Vigo e Xinzo de Limia.
Coñecemos a Begoña Garrido, membro de “Xeitura”, unha empresa formada por arqueólogos que teñen como labor a xestión integral de patrimonio e a introdución da actividade arqueolóxica. O programa visita “Algalia”, unha cooperativa que ofrece asesoramento económico, legal e socio laboral. En Xinzo de Limia atopamos “Antelco”, unha empresa que se dedica á construción de naves industriais. E por último, adentrámonos na cooperativa Valxestoso, unha sociedade cooperativa limitada dedicada á agricultura.
Teixugo, Maumarela, Rexenerando e Icos - 22/03/2017 11:45
O programa visita a parroquia de Chandebrito, pertencente ao municipio pontevedrés de Nigrán, para coñecer os socios de Teixugo. Nesta empresa traballan profesionais do campo da bioloxía, educación ambiental, maxisterio ou pedagoxía e teñen como obxectivo a concienciación das persoas nos conceptos do desenvolvemento sustentable e a conservación do medio ambiente e o patrimonio cultural, etnográfico e histórico. O programa tamén está en Ribadeo para falar cos compañeiros de Maumarela, unha cooperativa especializada en servizos educativos que engloba dentro da súa actuación eidos de benestar e cultura. Ademais, os reporteiros viaxan ata Ferrol para coñecer Rexenerando, unha empresa formada por especialistas en igualdade, servicios sociais, formación cultura e dinamización de grupos. O programa remata coa visita a Chantada, para amosarlle aos espectadores Icos, unha cooperativa agraria.0
Metal Ferrol, De Historia, Mancomunidade de Montes de Rubiáns e Nor Rubber - 15/03/2017 11:45
“Mellor Xuntos” fala doutros tipos de organizacións empresariais, distintas das cooperativas, que tamén son colaborativas e igualitarias. É o caso de “Metal Ferrol”, unha Sociedade Anónima Laboral que se dedica ao mecanizado de pezas metálicas, reparacións mecánicas industriais e fabricación de bens de equipo e compoñentes para o sector eólico.
Coñecemos “DeHistoria” é unha Sociedade Limitada Laboral, que investiga o pasado e o parentesco de persoas. Visitamos “Nor Rubber” en Tui, unha empresa punteira no tratamento do caucho que foi reflotada polos propios traballadores.
Ademais, o programa entrevista a Xurxo Abuín, o presidente do colectivo da Comunidade de Montes de Rubiáns, un proxecto de futuro e sostible co que se pretende poder xestionar con total autonomía as propiedades forestais da zona.
Horsal, Panxea, Pontebio e Bioccop - 08/03/2017 11:45
“Mellor Xuntos”, que retrata proxectos cooperativos galegos, encontra en Ponteareas tres mulleres emprendedoras. Lourdes, Mariló e Toñi iniciáronse hai anos no cultivo ecolóxico, pero foi recentemente cando decidiron comercializar xuntas a súa produción e ofrecer aos veciños produtos saudables a través da cooperativa Pontebio.O programa fainos partícipes doutros proxectos. Fernando Veiga é o xerente de Horsal, unha cooperativa situada no Salnés, cun cento de xefes, porque cada socio exerce tamén funcións de propietario. En Compostela, coñecemos a Esteban e outros compañeiros e socias de Panxea, unha iniciativa de consumo responsable. Finalmente, no Riós, José Luis Vaz preséntanos Biocoop, unha cooperativa de raza vianesa de vacún.
El Plantel, Strelia Electrotecnia, Itaca Software e Simbiosis - 01/03/2017 11:45
Meirás, Lago e Vilaboa - 22/02/2017 11:45
Mulleres colleiteiras, Tu Autoescuela e Maos, innovación social - 15/02/2017 11:45
Terras da Mariña, Vangarda, O Mercado e CEM - 08/02/2017 11:45
“Mellor Xuntos” comeza en terras lucenses, en Lourenzá, onde falan con José Cuadrado e outros produtores de fabas que xuntos cultivan as fabas con máis sona de Galicia. Despois, os reporteiros do programa achéganse ata Bergondo, onde Juan Delgado e un grupo de traballadores fabrican mobles de cociña galegos. Máis tarde, o equipo desprázase ata Vigo, onde coñece, da man de Montse Juncal, un mercado diferente que se caracteriza pola alta calidade dos seus produtos. Para rematar, visitan a Fran Brea na Coruña e aos seus socios da cooperativa CEM, que traballa para protexer a natureza e o medio.
Conservatorio Histórico de Santiago, AVEGA, Valmotor e A nosa enerxía - 01/02/2017 11:45
“Mellor Xuntos” desprázase a Compostela para conversar con Esther Sobral e os seus compañeiros do Conservatorio Histórico de Santiago. Esta é unha iniciativa cuxa finalidade é manter funcionando unha institución herdada dos tempos de Carlos III.
Despois, os reporteiros visitan en Agolada a Lorena Vence e o seu pai Alfonso, e con eles aprenden algo máis acerca da produción ecolóxica de ovos e queixos. Alí amósanlles unhas galiñas que viven ao seu aire e entran e saen da casa cando lles peta.
A viaxe continua por Gondomar, onde Valmotor está iniciando unha aventura de cooperativa de mecánica de automóbil, un mundo onde os vellos mecánicos seguen a ser necesarios, aínda que a electrónica faga que algúns teñan que converterse en "hackers".
A xornada remata coa xente de A Nosa Enerxía, unha cooperativa de consumo que pretende fornecer os fogares de enerxía limpa e renovable.
Amarelante, Xedega e Árbore da vida celta - 25/01/2017 12:00
“Mellor Xuntos” fala con Sonia e os seus amigos de Amarelante. Esta cooperativa xorde hai tres anos para recuperar soutos en estado de abandono e dedicalos a produciren castañas de calidade, con selo de orixe. A continuación, os reporteiros do espazo trasládanse a Vigo para coñecer a Juan Gómez e as súas compañeiras de Xedega, unha xestora que leva moitas cooperativas de Galicia e que participa da filosofía do traballo en común. “Mellor Xuntos” remata en Covelo, onde descobre os segredos dun proxecto moi sigular, Árbore da vida celta, unha iniciativa enfocada a transmitir experiencias, coñecementos e servizos relacionados coa saúde e o benestar.
Bicicleando, Vacas da Ulloa, Bico de Grao e ADSGestión - 13/12/2016 18:30
O equipo de “Mellor Xuntos” comeza cun paseo en bicicleta polo fondo da ría de Vigo, en Vilaboa. A cooperativa Bicicleando ofrécelles alí aos visitantes da contorna a posibilidade de gozar dunha actividade de ocio saudable e educativa.
Despois do paseo, visita a Ana da Cernada, que nos presenta as vacas máis mimadas de toda Galicia, as da Ulloa. Logo coñecemos a cooperativa Bico de Grao, constituída por tres socias de Lugo, que crearon un espazo de venda de produtos ecolóxicos a granel e de xestión de servizos comunitarios. A súa finalidade é crear e fomentar unha rede de consumo responsable na cidade. A viaxe remata en Guitiriz, onde se ubica ADSGestión, uns veterinarios que, coma todos os protagonistas do programa, descubriron hai anos as vantaxes de asociarse.
Moraima, Árbore, Cidadanía e Mayeuswing - 07/12/2016 11:45
“Mellor xuntos” comeza o seu percorrido por cooperativas galegas nunha adega formada por un grupo de cooperativistas, que decidiron sumar valor engadido ás súas cepas facendo o seu propio viño, ao que lle puxeron o nome de Moraima. Segue en Vigo, na empresa Árbore, que fabrica produtos ecolóxicos para o consumo responsable. Despois, en Compostela, achégase ata Cidadanía, unha consultora que avoga pola democracia participativa.O programa finaliza en Mayeuswing, unha empresa cooperativa de Vigo que imparte clases de baile.
Vicogalo, Sacaúntos, Algueirada e Cofuncovi - 29/11/2016 18:45
“Melllor xuntos" desprázase a Mos, onde visita uns amantes dos galos e das galiñas que traballan en Vicogalo, cooperativa que pretende recuperar a sona da raza autóctona da pita e convertela nun produto gourmet.
Despois, en Compostela, o programa coñece Sacaúntos, unha cooperativa gráfica, e Algueirada, dedicada á xestión cultural na rede e que manten que o importante na Internet son os contidos.
A viaxe remata na cidade da Coruña, onde está Cofuncovi, unha cooperativa de vivendas do parque ofimático que ten claro que o difícil traballo de promover as vivendas faise mellor acompañado.
Nova Aseconia, Barquito Velero, Urdime e Cofepa - 22/11/2016 18:45
O programa visita Nova Aseconia, unha cooperativa de Santiago en que traballan duramente para rehabilitar todo tipo de edificios, desde mansións e castelos ata apartamentos. Tamén dá unha volta pola mar con Barquito Velero, nome dun proxecto que se dedica a educar cativos en Vigo nun ambiente de liberdade e respecto. Outros proxectos son Urdime, unha cooperativa que achega ao espectador a cultura galega, e Cofepa, en Ferrolterra, onde ensinan a conducir ben.
Artesáns da pesca, Erica mel, Antoxos e Frugal - 15/11/2016 18:45
“Mellor xuntos” comeza o percorrido polo porto de Ribeira, onde atopamos unha iniciativa que aglutina pescadores na cooperativa Artesáns da Pesca.
Despois, o equipo vai ata Arzúa, onde coñecemos os meirandes expertos en apicultura de Galicia, na cooperativa 'Erica mel'. En Carballeda de Avia, 'Antoxos' reparte catering nun proxecto que levan adiante varias mulleres. A viaxe remata en Culleredo, na iniciativa Frugal de froita deshidratada.
Cooperativa Miudiño, Dalleqdalle, Cume do Avia e Galicol - 08/11/2016 18:45
Na entrega deste martes de “Mellor Xuntos”, o equipo do programa achégase ata Vigo para coñecer polo miúdo a César Freiría, da orquestra Pantasma, e ao fabricante de xoguetes Ambrosio, que forman a cooperativa Miudiño, que combina actuacións musicais con xoguetes.
Ademais, tamén visita Vilagarcía da man de Ana Baños para coñecer varias mullres que traballan en Dalleqdalle, un espazo de coworking cooperativo e de promoción de iniciativas.
Coñecemos tamén Eira de Mouros, no Ribeiro. Nesta pequena vila, preto do concello ourensán de Leiro, botou a andar Cume do Avia, unha cooperativa formada por varios entusiastas da viticultura ecolóxica.
O percorrido de “Mellor Xuntos” remata na ría de Arousa, onde agarda José Vázquez, da cooperativa Galicol, que se dedica a dominar caracois, á helicicultura.
O Cancelo, Pulponor e 7HCoop - 25/10/2016 18:45
No programa de hoxe, o equipo do programa visita a cooperativa Pulponor, no porto de Lira, onde preparan os mellores polbos para que poidamos consumilos con todas as garantías.
'Mellor xuntos' lévanos ao Monte Gaiás, preto de Santiago, para descubrir con 7HCoop que o mundo da cooperación pode funcionar no mundo da cultura.
Finalmente, para en Miño, concretamente na granxa O Cancelo, onde as vacas dan leite para os mellores bicos de xeado.
Rede de Apoio, Melandrainas, Metal Unión e Zocamiñoca - 18/10/2016 18:45
“Mellor Xuntos” viaxa por toda Galicia, desde Verín ata A Coruña, para tratar con personaxes que traballan en sectores tan distintos coma a metalurxia, o teatro, o consumo responsable ou o asesoramento empresarial.
Todos eles teñen en común a idea de que se traballa sempre mellor xuntos. Cooperativistas de Rede de Apoio, de Verín; Melandrainas, en Arteixo; Metal Unión, en Ourense, e Zocamiñoca, na Coruña, descubriranlles aos espectadores os segredos do cooperativismo e os diferentes camiños que levan a constituírse en empresa, vencendo atrancos persoais e sociais.
Tagen Ata, Os Parentes, Cestola Na Cachola e Lusco Fusco - 11/10/2016 18:45
“Mellor xuntos” amosará o que teñen en común profesionais tan diversos coma expertos en educación infantil, xente que fai deseños de todo tipo, os donos dunha explotación gandeira tradicional e a equipa dunha empresa dedicada á formación en liña.Tagen Ata, especializada en e-learning; Parentes, cooperativa productora de leite; Cestola na Cachola, iniciativa de autoemprego de tres socios versados no deseño e a ilustración, e LuscoFusco, unha escola moi particular, son os proxectos que amosará este martes “Mellor Xuntos”, que visitará para coñecelos Narón, Carballedo, Lalín e Teo.
Otros programas de reportajes >
Otros programas de TVG (Galicia) >
