Close

Embarcados

Embarcados é un programa dirixido e presentado Por X. H: Rivadulla Corcón, que se realiza integramente abordo dun barco, durante a xornada de pesca. Dará a coñecer como é o traballo das xentes do mar, no propio centro da súa realidade, os barcos. Porque en xeral coñecese a vida do mariñeiro cando está en terra, pero é moito menos coñecido o seu traballo nos propios barcos. Un programa que achega unha realidade fundamental na vida e a cultura galega, ao conxunto da poboación do país. Que o espectador se emocione coas historias dos mariñeiros abordo dos barcos.

País: España
Idioma: Gallego
Contenido: Reportajes
Tema: Océanos, Sociedad
URL: http://www.crtvg.es/tvg/a-carta/programa/embarcados

Episodios disponibles para ver online

2º María Isabel, estirpe mariñeira de Laxe - 24/05/2020 11:00
No difícil mar da Costa da Morte faena un barco de madeira con quince anos de antigüidade, de doce metros de eslora e 4 de manga, e preparado para traballar a arte da beta. A súa tripulación está composta polos irmáns Villar, que constitúen a xeración actual dunha familia mariñeira dende tempos moi antigos. Eles son Raúl Villar, o máis novo dos irmán, e ao que lle quedan máis anos de mar. Un home que sen dubida representa perfectamente o ser dos homes de mar de Laxe. Manolo Villar, é o patrón da embarcación, e é o Patrón Maior de Laxe, un home cabal que coñece como pouco os segredos deste mar as veces tenebroso. Rosendo Villar é mar en toda a extensión da palabra, mariñeiro de berce, que nunca puido imaxinar outra vida que fóra sobre neste mar. O maior é Juan Villar, que é o mariñeiro en activo con máis anos de Laxe, o home que máis horas ten de mar nesta vila, e pode que en toda a Costa da Morte.
Alba Mar, a vida emerxendo pola popa II - 17/05/2020 11:20
A vaca de Muros Alba Mar, continua traballando no Mar de María Antonia, a unhas trece millas do porto da Coruña. Moncho Tojeiro, o patrón de pesca, coñece moi ben este mar e saberá onde largar o aparello, onde o peixe se agocha. Coñecermos ao Xefe de maquinas Gervasio Sambad, un mariñeiro con moitos anos de mar, que empezou ao mar moi novo no seu mar de Muxía. Ao mariñeiro Daniel Cruz, un experto nos traballos en cuberta, que traballou no Gran Sol, en tempos onde o traballo nos barcos era máis duro. E a Suso López, o cociñeiro de abordo, home de personalidade moi singular, que fai unha cociña de cinco garfos.
Alba Mar, a vida emerxendo pola popa I - 10/05/2020 11:20
A nosa aventura embarcados transcorrerá en dúas xornadas na vaca de Muros 'Alba Mar'. Está activo dende o 2001, e ten 32 metros de eslora e 6 metros de manga, cunha potencia no seu motor de 500 cabalos de forza. A súa tripulación está composta por oito homes, dos que hoxe imos coñecer ao primeiro patrón ou patrón de pesca Moncho Tojeiro, home de mar que se forxou nas augas do Gran Sol. 
Betelgeuse, navegar para salvar vidas - 22/12/2019 15:45
A lancha de salvamento marítimo Salvamar Betelgeuse, está operativa no porto de Oza da Coruña dende 2017, ten 22 metros de eslora e 6 de manga, e a súa tripulación está composta por seis homes que traballan por quendas. Hoxe imos a navegar coa tripulación composta por Modesto Lema que é o motorista da embarcación e o máis veterano da tripulación. O máis novo é o mariñeiro Martín Armental. O patrón que está de garda é Pablo Varela, pero tamén nos acompañara o outro patrón Chuchu Caamaño, que lle da hoxe o relevo a Pablo.
Moa, atrapar a vida coas nasas - 03/11/2019 23:15
O Moa é un barco de once metros, con base en Noia, que traballa tanto os aparellos como as nasas, arte, esta última, coa que está traballando esta tempada, para a captura do camarón e a nécora, aínda que tamén pode entralles polbo. Abordo traballan tres homes: Suso Triñanes, que pasou moito tempo lonxe do mar pero sentiu a necesidade de volver. Efrain Sánchez, que ven de familia mariñeira, traballou fundamentalmente de mariscador. O patrón é Segundo Blanco, que ven dunha longa tradición, a súa familia traballa o mar dende tempos que se perden na memoria.
Brisas de Cedeira, nós de mallas, nós de vida - 27/10/2019 23:15
Saímos ao mar no volanteiro Brisas de Cedeira, con 19 metros de eslora e 6 de manga. E facémolo neste porto porque Cedeira é o porto que concentra o maior número de volanteiros en toda a península Ibérica. Toda a tripulación é de Cedeira. Entre eles Álvaro Gonzalez que é o fillo do patrón e axúdao na ponte. Toniño Miranda é o mariñeiro que vixía o motor e que a rede se largue ben. David Pérez desmalla o peixe da rede e prepara o xantar para a tripulación. Gorka Hernández coida que o aparello non se líe ao subir. E o patrón é o home experimentado de moitas travesías Ángel González, e pertencen a unha que traballa a arte da volante dende fai moitas xeracións.
Ardorán, cercar o milagre do peixe - 20/10/2019 23:15
Saimos ao mar no Ardorán, un cerqueiro de 22 metros de eslora e 6 de manga, que está activo dende fai 27 anos. Traballan para este barco as redeiras Chus Otero e Rosa Pardo, mulleres que aman o oficio. O Ardorán ten unha tripulación de 12 homes, e moitos deles son moi novos, como o motorista Suso Avilés, que tamén fai traballos en cuberta. Os máis novos son Román Pouso, Juan Perol, que están empezando no oficio pero xa coñecen ben o que é ser mariñeiro. E o máis veterano entre os mariñeiros é Rafael Rodríguez. O segundo patrón é Ismael Carreño e o patrón é Eduardo Carreño. Eles son irmáns e tamén son novos pero o mar xa lles ten moldeado o seu carácter que anuncia que chegaran a ser dos vellos sabios do mar de Portosín.

Otros programas de reportajes >


Otros programas de TVG (Galicia) >