Imos indo
Ao longo de 8 programas, o presentador, Quique Morales, e os seus convidados percorrerán cada unh...
País: España
Idioma: Gallego
Contenido: Reportajes
Tema: Viajes
URL: http://www.crtvg.es/tvg/a-carta/programa/imos-indo
País: España
Idioma: Gallego
Contenido: Reportajes
Tema: Viajes
URL: http://www.crtvg.es/tvg/a-carta/programa/imos-indo
Episodios disponibles para ver online
De Nemiña ao Faro de Fisterra con Nieves Rodríguez - 08/07/2018 23:45
O programa “Imos Indo” chega ao seu final coa derradeira etapa do Camiño dos Faros, a que separa Nemiña de Fisterra, onde Quique Morales, estará acompañado por Nieves Rodríguez, presentadora de “Vaia Troula”. Este percorrido de pouco máis de 26 quilómetros lévaos ata o faro de Fisterra, o final do traxecto.Polo camiño atopan o impoñente Cantil da Mexadoira e a praia do Rostro, onde falan coa trasna e mestra Verónica del Valle. Ademais, lembran coa xornalista Cruz García o afundimento do Casón, soben ao Cabo da Nave e ao Monte Facho e viven unha xornada cargada de emocións.
De Muxía á praia de Nemiña con Rodrigo Vázquez - 01/07/2018 23:45
No penúltimo “Imos Indo”, Quique Morales e Rodrigo Vázquez enfróntanse á sétima etapa do Camiño dos Faros, que vai de Muxía á praia de Nemiña. Algo máis de 24quilómetros en que exercitan as pernas, a base de subidas e baixadas, por un dos tramos máis duros da ruta. Pero tamén teñen tempo para o lecer, dándolle uns toques ao balón con “Papi”, unha das lendas da Liga da Costa. Tamén se atopan con Rubén Prieto, un vello coñecido dos dous, e visitan Punta Buitra e o Faro Touriñán.
Entrevista a Rodrigo Vázquez - 01/07/2018 23:45
Entrevista a Isabel Blanco - 24/06/2018 23:45
De Camariñas a Muxía con Isabel Blanco - 24/06/2018 23:45
Quique Morales e a actriz e presentadora Isabel Blanco realizan a sexta etapa do Camiño dos Faros, a máis longa da ruta, un tramo de 32 quilómetros que sae de Camariñas e chega a Muxía. Os camiñantes falan coa mariscadora Estrella Lema na praia do Ariño; coñecen uns trasnos portugueses, Carlos e Tonico, na ponte do Porto; pasan polo faro e mais a praia do Lago; visitan os muíños do Río Negro con Marián Sambad e ven a Punta da Barca como nunca a viron antes.
Entrevista a Adrián Díaz - 17/06/2018 23:45
De Arou a Camariñas con Adrián Díaz - 17/06/2018 23:45
Quique Morales e o “larpeiro” Adrián Díaz camiñan desde Arou ata Camariñas, a quinta etapa do Camiño dos Faros, preto de 23 quilómetros en que percorren o tramo que concentra o maior número de naufraxios desta costa. Ambos os dous sentan no sofá máis bonito do mundo en Lobeiras, charlan con Manolo Castro no porto de Santa Mariña, coñecen Monte Branco e Trece, visitan o Cemiterio dos Ingleses con Rosa Mouzo, crúzanse con cabaleiros en Reira e conversan con Cristina Fernández, a fareira de Vilán.
Entrevista a Eva Iglesias - 10/06/2018 23:45
De Laxe a Arou con Eva Iglesias - 10/06/2018 23:45
Quique Morales e a actriz, cantante, presentadora e humorista Eva Iglesias percorren a cuarta etapa do Camiño dos Faros, que vai de Laxe a Arou, un tramo de case 18 quilómetros cheo de sorpresas, en que se suceden incribles praias e coídos. Os viaxeiros aprenden a identificar unha especie invasora que ameaza a flora da ruta, grazas a Sara Verdes, no Faro de Laxe. Ademais, soben ao Peñón de Soesto, visitan o Museo de Man, en Camelle, con Juan Carlos Canosa, e botan unhas boas risas co Rubio, mítico mergullador da Costa da Morte.
Entrevista a Marcos Pereiro - 03/06/2018 23:45
De Ponteceso a Laxe con Marcos Pereiro - 03/06/2018 23:45
Quique Morales e o actor Marcos Pereiro camiñan os 25 quilómetros que separan Ponteceso de Laxe, percorrendo a terceira etapa do Camiño dos Faros. Ao longo do traxecto, atópanse co ornitólogo José Luis Rabuñal, soben ao castelo de Lourido e abandonan a costa para visitar con Lito Eiroa o castro de Borneiro e mais o dolmen de Dombate. De volta na beira do mar, charlan con Silvestre Romero, que fai a ruta en kayak e rematan o día na lonxa de Laxe con José Luis Serrapio.
Entrevista a Lucía Regueiro - 27/05/2018 23:45
Entre a praia de Niñóns e Ponteceso con Lucía Regueiro - 27/05/2018 23:45
Quique Morales camiña acompañado da actriz Lucía Regueiro para realizar a etapa entre a praia de Niñóns e Ponteceso, a segunda etapa do Camiño dos Faros, 26 duros quilómetros que non andarán sós. Os protagonistas conversan con Suso Ouréns, un dos últimos veciños da Aldea do Roncudo. Desde alí, chegan ata o faro do mesmo nome e pararán con Suso Lista no porto de Corme. Ademais, falan do Festival V de Valarés con Tamara Lema e descobrenn as Dunas da Barra, o deserto da ruta.
De Malpica á praia de Niñóns con Santi Romay - 20/05/2018 23:30
No primeiro capítulo de Imos Indo, o actor Santi Romay realiza xunto a Quique Morales a etapa entre Malpica e a praia de Niñóns. En total, 22 quilómetros para coñecer a orixe da ruta da man dos “trasnos”, os seus coidadores. Atópanse con Adrián Abella, gran coñecedor das Illas Sisargas, pasan por Barizo e o seu porto, visitan o incrible faro de Punta Nariga e falan con Felipe López do ultramar da ruta.
Entrevista a Santi Romay - 20/05/2018 00:00
Otros programas de reportajes >
Otros programas de TVG (Galicia) >
