Close

Documental

CRTVG - Compañía de Radio/Televisión de Galicia

País: España
Idioma: Gallego
Contenido: Reportajes
URL: http://www.crtvg.es/tvg/a-carta/programa/documental

Episodios disponibles para ver online

Arquivo do Reino de Galicia, a memoria documentada - 10/02/2020 23:45
José Gil, fotógrafo e pioneiro do cine - 06/02/2020 23:30
José Gil foi o primeiro cineasta galego, o primeiro produtor, o primeiro operador de cámara, o primeiro director, e non obstante é un gran descoñecido, inxustamente esquecido. O presente documental, trata sobre a vida e obra de José Gil e Gil que naceu en Ás Neves en 1870. Despois de pasar por Mondariz e Ourense, estableceu o seu estudo en 1905 en Vigo, primeiro en Carral e despois en Príncipe (1910), onde comezou a experimentar co audiovisual. Ao principio para publicitar o seu estudo de fotografía. Foi responsable do concesionario de Ford en Vigo e organizou na Praza de Touros de Pontevedra unha corrida, onde os picadores cambiaron os cabalos por coches da marca americana. Gil tivo unha vida chea de curiosidades, entre as que destaca ser o primeiro galego en dirixir unha película de ficción, "Miss Ledyia", rodada na Toxa en 1916 e onde Castelao aparece como figurante. Outra faceta interesante de Gil foi a de inventor, actividade tamén tratada neste documental de Romero. Gil morreu e
Toñito Blanco: só, perdido e vicioso - 19/11/2014 01:30
Documental sobre a vida e obra do cineasta e xornalista Toñito Blanco, autor de "La matanza caníbal de los garrulos lisérgicos". Creador audiovisual inquieto e ecléctico, foi un referente para a súa xeración. Porén, o seu tráxico final, con apenas 30 anos, tamén amosou a cara máis amarga dos anos 80.
Valle Inclán. A vixencia dun xenio - 14/11/2019 23:15
'Sísifo confuso. Traballos e días de Francisco Leiro' - 07/11/2019 22:45
Documental escrito e dirixido por Aser Álvarez sobre cales son as condicións físicas e mentais no proceso de creación das obras do escultor Francisco Leiro. O equipo de rodaxe entrou nos seus lugares de traballo: Cambados, Madrid e Nova York, facendo un seguimento durante os últimos tres anos. 
Arte + Muller + Galicia - 07/03/2018
Este documental expón un achegamento ao traballo de artistas mulleres cuxa obra resulta fundamental para entender o desenvolvemento da historia da arte contemporánea en Galicia, a través das biografías, as obras e os testemuños destas artistas pertencentes a diferentes ámbitos creativos e xeracionais. O feito de ser muller marcou para moitas delas a súa traxectoria profesional e, sobre todo, a súa presenza e protagonismo nos espazos de poder e decisión.
O Reino Suevo de Galicia (2ª Parte) - 07/10/2019 23:55
Á luz das últimas investigacións e da man dos maiores expertos de Europa dispoñémonos a explorar a creación, o auxe e a caída do Reino Suevo de Galicia. Esta é a historia do primeiro reino medieval de occidente, pero tamén é un relato sobre como se fai a historia e sobre como nola contaron.
Nós, semente de futuro - 03/10/2019 22:45
Un documental de divulgación no que coñecemos a Xeración  Nós: Vicente Risco, Ramón Otero Pedrayo, Antonio Lousada Diéguez,  Florentino L. Cuevillas e Afonso Rodríguez Castelao. Todos eles manteñen  na década dos 20 unha estreita ligazón persoal e unha actividade cultural  compartida.  Porén, un dos logros máis importantes desta xeración foi a  promoción da revista Nós, que dende 1920 ata 1936 marcou a vida  cultural galega, un dos proxectos colectivos máis singulares da nosa  historia. Asemade, falamos tamén desta influencia cultural no mundo  galego, de como conseguiron chegar ao mundo universal a través do  particular, e sobre todo a través de Galicia.
O reino suevo de Galicia - 30/09/2019 23:30
Á luz das últimas investigacións e da man dos maiores expertos de Europa dispoñémonos a explorar a creación, o auxe e a caída do Reino Suevo de Galicia. Esta é a historia do primeiro reino medieval de occidente, pero tamén é un relato sobre como se fai a historia e sobre como nola contaron.
Polvo - 23/09/2019 23:15
Ignacio e Alejandra producen un documental acerca de Comalapa. Alí coñecen a Juan, un home cuxo pai foi secuestrado e que non ten esperanzas de atopalo. Juan sabe quen o delatou, polo que convive cunha indomable sensación de vinganza da que Alejandra e Ignacio son testemuñas.
Fun ao canaval - 05/09/2019 09:54
Xavier Blanco, erudito da música de raiz, amósanos a través da súa colección de máis de 150 instrumentos de cana, as posibilidades da variedade do país, Arundo Donax, para facer instrumentos de vento, corda ou percusión. A gravación das pezas musicais deste documental está realizada integramente con instrumentos feitos a partir da cana galega.
O Antropoceno na casa: Desde a Antártida a Galicia - 05/06/2019 23:40
"O Antropoceno na casa: unha ollada o cambio climático" é un documental escrito e dirixido para TVG por Valentín Carrera, o único xornalista que participou dúas veces nas campañas españolas na Antártida: hai trinta anos, na primeira expedición, no verán 1986/87, e recentemente, na XXX Expedición Científica, coa que conviviu durante cinco longos meses nos mares de xeo. Por qué falar do Cambio Climático e por qué desde Galicia? Aínda que hai negacionistas, ao estilo do presidente americano Trump e outros, as evidencias do cambio climático son aceptadas amplamente na comunidade científica. Falamos de "efecto bolboreta" porque, como se explicará visualmente, todo o que pasa en Galicia repercute na Antártida e todo o que está a pasar na Antártida ten efectos en Galicia. "Todo está relacionado", dicía o gran humanista Alexander von Humboldt, aínda que estea, como Vigo e Illa Decepción, a catorce mil quilómetros de distancia. Dende hai anos, en Galicia temos un amplo e moi cualificado grupo d
O Antropoceno na casa: Desde Galicia á Antártida - 05/06/2019 23:15
"O Antropoceno na casa: unha ollada o cambio climático" é un documental escrito e dirixido para TVG por Valentín Carrera, o único xornalista que participou dúas veces nas campañas españolas na Antártida: hai trinta anos, na primeira expedición, no verán 1986/87, e recentemente, na XXX Expedición Científica, coa que conviviu durante cinco longos meses nos mares de xeo. Por qué falar do Cambio Climático e por qué desde Galicia? Aínda que hai negacionistas, ao estilo do presidente americano Trump e outros, as evidencias do cambio climático son aceptadas amplamente na comunidade científica. Falamos de "efecto bolboreta" porque, como se explicará visualmente, todo o que pasa en Galicia repercute na Antártida e todo o que está a pasar na Antártida ten efectos en Galicia. "Todo está relacionado", dicía o gran humanista Alexander von Humboldt, aínda que estea, como Vigo e Illa Decepción, a catorce mil quilómetros de distancia. Dende hai anos, en Galicia temos un amplo e moi cualificado grupo d
O purgatorio de Francisco Leiro - 20/12/2018 23:25
Os escultores Francisco Leiro e Txomin Badiola dialogan sobre o seu oficio, mentres percorren as salas baleiras da galería de arte onde se vai inaugurar ao día seguinte o proxecto expositivo 'Purgatorio' de Leiro. Ao redor deste diálogo xira este documental, combinando testemuños de artistas e amigos que falan sobre Leiro.
Queimar o monte - 02/10/2013 23:56
Barreiros, motor humano - 23/01/2013 00:00
Película documental, dirixida por Marco Besas e na tamén participa a TVG, que fai un repaso desde a infancia de Barreiros, tanto en Canarias, cando xa comezou aos tres anos a acompañar ao seu pai, ata Galicia onde a familia comezou a explotar liñas de autobuses, o seu paso pola Guerra Civil, a súa empresa de construción, a xenial idea de converter motores de gasolina en diesel, a creación dun imperio industrial con case 25.000 traballadores, e finalmente, tras comezar a produción de turismos Simca 1000 e Dodge Dart, a perda de control da súa propia empresa a mans da multinacional estadounidense Chrysler. Tras cinco anos separado por imperativo legal do mundo do motor, os últimos anos da súa vida, dedicounos a desenvolver novos motores diésel, e outra vez como ao principio, a transformar motores rusos de gasolina en diésel, pero en Cuba, onde faleceu en 1992. Sen dúbida atopámonos ante unha das principias figuras da industria española da automoción, "o Ford español", a dicir de moitos a
Letras de Galicia - 20/11/2012 00:00
O camiño francés - 12/04/2012 00:00
Historias de Compostela - 12/04/2012 00:00
Paixón polo mar - 02/03/2012 00:00
Cada catro anos ten lugar na cidade bretoa de Brest unha festa marítima na que se dan cita embarcacións tradicionais  de todo o mundo. No ano 2008 Galicia foi unha das catro invitadas de honra xunto a países de gran tradición mariñeira como  Irlanda, Noruega e Croacia. Alí se deron cita preto de tres mil embarcacións tradicionais, a gran maioría de madeira e a vela, co que as embarcacións galegas tiveron oportunidade de navegar pola rada de Brest carón de grandes veleiros de dous, tres e catro mastros, xunto a barcos de Tailandia, Xapón, Francia, Italia, Estados Unidos, etc... e aos dos países antes mencionados. O documental Paixón polo mar aproveitou esa oportunidade e reflicte esa presenza de embarcacións e de mariñeiros galegos na festa marítima máis importante do mundo. Paixón polo mar é un documental dirixido por Pemón Bouzas, con Victorino Lourido como responsable da imaxe e con Xosé A. Domelo como guionista con Pemón Bouzas.
Un mar de velas - 02/03/2012 00:00
Este documental retrata aos homes e mulleres  que, dende as distintas asociacións agrupadas na Federación Marítima pola Cultura Marítima e Fluvial, defenden e se preocupan por manter vivo unha parte do patrimonio galego, as embarcacións tradicionais, as dornas, as gamelas, as traiñas, os galeóns, etc. O documental aproveita a presenza de moitas destas embarcacións nos Encontros que tiveron lugar no verán de  2007 en Ferrol. Un mar de velas foi dirixido por Pemón Bouzas, con Victorino Lourido na imaxe e con guión de Pemón Bouzas e Xosé A. Domelo. 
Encrucilladas - 02/03/2012 00:00
Un dos elementos patrimoniais máis característicos da paisaxe galega son os cruceiros, xa Castelao lles dedicara un gran libro titulado “As cruces de pedra na Galiza” publicado en 1950. Encrucilladas é un documental no que se  analizan os cruceiros pero que vai máis ala do seu valor arquitectónico e artístico, tratando aspectos que os relacionan con elementos da cultura popular como lendas, tradicións e rituais. Encrucilladas foi dirixido e guionizado por Pemón Bouzas e con imaxe de Victorino Lourido.
O paso do noroeste - 06/02/2012 00:00
O documental “O paso do noroeste. Tenente de Navío Xacinto Caamaño” conta a viaxe que o mariño galego fixo a finais do século XVIII na procura ou desestimación da existencia do Paso do Noroeste, un paso mítico do que falaban lendas e bitácoras apócrifas de mariños españois de séculos precedentes. Neses  supostos diarios falábase da existencia dun paso navegable que uniría os océanos Atlántico e Pacífico e que situaban no territorio da actual Canadá. O mariño galego partíu do porto mexicano de San Blas coa obriga de explorar e cartografar a costa noroeste do continente americano dende a badía de Bucarely ata a desembocadura do río Columbia, territorios que se corresponden con Alaska e a provincia da Columbia Británica do Canadá. A outra parte da misión fora encargada ao sí coñecido mariño Alexandro Malaspina. Grazas a que os mariños españois e galegos foron pioneiros na navegación polas costas antes mentadas, chegaron antes que o coñecido mariño iglés James Cook, existen máis de mil t
'Almoina, o heroe infame' - 14/10/2018 00:35
Documental sobre o lucense José Almoina, deputado socialista, perseguido na Guerra Civil e exiliado na República Dominicana, onde rematou sendo secretario persoal do ditador Rafael Leónidas Trujillo.  A cinta, dirixida polo realizador, escritor e guionista Breogán Riveiro, afonda na descoñecida e controvertida historia de Almoina que, malia ser acusado de colaboracionista co réxime de Trujillo, xogou un dobre xogo de denuncias ao ditador que lle acabou custando a vida. Inxuriado por todos e cunha familia á que defender, Almoina publicou un libro de loas ao ditador, pero, á vez, o seu alter-ego Gregorio Bustamante, denunciaba diante do mundo ao ditador en libros sufragados polo propio Almoina.
Sito, o dos Miñancos - 20/06/2018 22:00
A TVG repasa a vida de Sito Miñanco, un home que condicionou a vida dunha vila enteira, o Cambados dos anos 80 e principios dos 90. José Ramón Prado Bugallo naceu no barrio mariñeiro de Santo Tomé, en Cambados, o 23 de decembro de 1955. Fillo de Eugenio e Rosa, era unha familia coñecida coma a dos Miñancos.  O especial “Sito, o dos Miñancos” é a historia dun home que pasou por ter unha vida normal formando unha familia con dúas fillas con Rosa Pouso e unha terceira coa panameña Odalys Rivera.   Miñanco era actualidade o  5 de febreiro de 2018, cando era detido en Alxeciras por estar relacionado cun cargamento de 5 toneladas de cocaína, xunto con, polo menos, 30 arrestados. Na operación tamén detiveron a filla maior de Sito, un fillastro de Laureano Oubiña e a primeira muller de Sito: Rosa María Pouso Navazas. O círculo máis próximo a Sito Miñanco.  No programa intervirán xornalistas como Benito Leiro, Perfecto Conde ou Tino Viéitez, pero tamén testemuñas que tiveron contacto co propio

Otros programas de reportajes >


Otros programas de TVG (Galicia) >