Close

Galicia 4.0

'Galicia 4.0' ten o obxectivo de promover o tecido empresarial galego e falar de produtos e servi...

País: España
Idioma: Gallego
Contenido: Reportajes
Tema: Empresa
URL: http://www.crtvg.es/tvg/a-carta/programa/galicia-4-0

Episodios disponibles para ver online

Pan tostado e grupos electróxenos - 10/02/2017 11:45
Reportaxes: - Técnicas vangardistas para fabricar pan tostado: Natalia, hostaleira en Vila de Cruces, guíanos por unha fábrica de pan tostado onde se emprega maquinaria de última xeración para elaborar rebandas de gran calidade. - Fabricación de grupos electróxenos: introdúcenos no proceso de fabricación, no funcionamento e nas aplicacións dun elemento dos grupos electróxenos, que permiten levar a enerxía a lugares onde case parece imposible e que, noutros casos, serven como solución de urxencia ante avarías ou faltas de subministración da rede eléctrica convencional.  Unha empresa galega lidera este subsector a nivel nacional. 
Tecnoloxía na industria química e estufas de pellets - 03/02/2017 11:45
'”Galicia 4.0” segue achegándose ás empresas galegas que apostan pola innovación e a tecnoloxía, e que contribúen con innovadores produtos e servizos a que todos teñamos unha vida máis cómoda. Nesta entrega, descubrimos como se fabrica o selante das latas de bebidas que se toman en todo o mundo. Unha química galega  deu coa fórmula que facilita un xesto que repetimos a cotío como beber un refresco. Ademais, este tempo no que o frío aperta, Galicia 4.0. intérnase no proceso de fabricación e no funcionamento das estufas de pellets, que quentan moitos fogares. Para iso, o programa acompaña a Juan, un home que quere coñecer en profundidade os mecanismos que permiten producir calor dunha forma sostible
Innovación na elaboración dun traxe e dentro do tronco dun castaño - 27/01/2017 11:45
Neste programa descubrimos como a capacidade creativa e a tecnoloxía se alían no mundo do deseño de moda. Para iso, Nuria, unha escaparatista moi enérxica, guía as cámaras polo corazón dunha das empresas galegas con maior proxección, explicando con detalle o proceso de produción dunha prenda, dende o trazo do deseñador ata as últimas puntadas. Ademais, o programa visita unha empresa que produce castiñeiros híbridos, árbores seleccionados para resistir o mal da tinta que afecta a esta árbore autóctona. Benito, un castañeiro veterano, explica as vantaxes de empregar estas variedades logradas a través  da selección xenética.
O marisco máis exclusivo e vehículos máis seguros - 06/01/2017 19:50
Reportaxes: - Produción intelixente do marisco máis exclusivo. - Vehículos máis seguros, eficientes e intelixentes.  
Liscos de xamón e tecnoloxía da información e a comunicación - 15/12/2016 18:45
“Galicia 4.0” achégase hoxe a unha factoría galega que tenta fundir en cada lisco de xamón suculencia e filosofía 4.0. O equipo do programa tamén visitará unha empresa que fabrica os emisores de TDT.
Innovación nos parques infantís e nas botellas de auga mineral - 09/12/2016 11:45
A fabricación dun aeroxerador / Costura e arte - 01/12/2016 18:45
A forza do vento pode ser aproveitada grazas á tecnoloxía desenvolvida na nosa comunidade. O público será testemuña de como se fabrica un aeroxerador nunha empresa galega con importante presenza internacional. Ademais, o equipo abordará o tema da moda da man de Inés, unha estilista chea de enerxía a quen as súas inquedanzas por coñecer as entrañas do sector téxtil, a levaron ata o Barbanza, onde presentará unha empresa en que se combina a costura e a arte.
O autobús da innovación e o invento contra o anisakis - 24/11/2016 18:45
Como a innovación e a tecnoloxía desenvolvidas en Galicia poden beneficiar os galegos no día a día? Cal é o proceso de fabricación dos produtos que nos facilitan as tarefas cotiás? Estas son só algunhas das cuestións ás que pretende responder cada semana o programa “Galicia 4.0”.Cada vez que alguén merca o tícket do coche de liña debe ter en conta que pode estar a subir no autobús da innovación. O equipo do programa montará hoxe nun deles con Lino, un afable chofer que o levará ata a comarca do Salnés para coñecer unha empresa que produce estes automóbiles coas últimas tecnoloxías. Os reporteiros tamén madrugarán cunha simpática peixeira á que acompañarán na súa xornada. Con ela, amosaranlles aos espectadores un invento galego capaz de detectar e eliminar o anisakis, un parasito presente frecuentemente no peixe que consumimos.
Luras precociñadas e industria aeronáutica - 17/11/2016 18:45
O feito de abrir un refrixerador para escoller os elementos cos que elaborar unha receita pode levarnos a botar man dun produto galego que agoche profesionalidade, innovación, desenvolvemento e moito esforzo. Todos estes factores collen nunha bolsa de luras conxeladas. O programa sobre tecnoloxías e innovación coa colaboración dun chef coñecerá como é o seu proceso de elaboración.
A tecnoloxía no téxtil, quentar os fogares con pellets - 09/11/2016 18:45
Na entrega desta semana de “Galicia 4.0”, o equipo do programa amosaralles aos espectadores, da man da modelo Zulema Vázquez, como a creatividade e a innovación en Galicia tamén está asentada no eido do téxtil. Con ela coñecerán as últimas tecnoloxías de fabricación de pezas de roupa nunha empresa galega líder do sector. Ademais, tamén se descubrirá como é posible quentar os fogares con lapas 4.0 grazas aos pellets, unha forma de biomasa. Con Paco, un avó e empresario reinventado, os reporteiros achegaranse á compañía que realiza este produto para seren testemuñas do seu proceso de fabricación e coñeceren como os pellets poden impulsar a revalorización dos residuos forestais dos montes galegos.
Outras aplicacións das algas e o sector dos produtos de arquitectura e decoración - 27/10/2016 18:45
Como resultado da investigación e do aproveitamento sostible dos produtos mariños, unha empresa galega foi capaz de producir a carraxenina, un produto derivado das algas que, entre outras cousas, lle dá esa textura xelatinosa ao flan. Ademais, este espazo sobre innovación, tamén investigará o sector contract, centrado na produción, distribución e instalación de produtos de arquitectura e decoración, que está formado en Galicia por fortes industrias cunha gran capacidade exportadora.
Os asentos dos automóbiles e a calidade da lousa - 20/10/2016 18:45
O programa da Televisión de Galicia acompañará un profesor de autoescola, que pasa centos de horas sentado ao volante, na súa visita a unha compañía galega onde se empregan as últimas tecnoloxías para fabricar os asentos dos automóbiles. Tamén coñecerá un simpático arquitecto, cuxa experiencia o ten levado a atinar sempre cos mellores materiais á hora de realizar unha vivenda. A lousa, pola súa calidade, é un deles. Para descubrir o interesante proceso produtivo deste material, o espazo da canle pública dedicado ás novas tecnoloxías e á innovación visitará unha canteira da comarca de Valdeorras, en que unha compañía extrae e trata a lousa que formará parte das vivendas de gran parte do mundo.
Avances da industria alimentaria nunha fábrica galega de queixo crema e salvamento e emerxencias con drons - 13/10/2016 18:35
Na primeira entrega deste espazo de servizo público, o equipo do programa acompañará a unha estudante de cociña na súa visita a unha fábrica galega de queixo crema para descubrir algúns dos grandes avances da industria alimentaria. Galicia 4.0 tamén abordará como a innovación galega está comezando a voar moi alto e, dende fai un tempo, como o fai a través de drons. Da man dun membro da Axencia Galega de Emerxencias decubrirá como os drons poden axudar a salvar vidas e, con el, visitarán unha empresa galega que produce estas naves para coñecer as súas particularidades. 

Otros programas de reportajes >


Otros programas de TVG (Galicia) >