O Carril é unha parroquia do municipio pontevedrés de Vilagarcía de Arousa, coñecida polo cultivo e extracción da ameixa. Desde hai 26 anos, produtores e os mariscadores organizan unha festa de exaltación deste bivalvo, á que se suma Sopa de festa. Desde a zona portuaria do Carril, o programa recolle en vivo a preparación e degustación do produto. Tamén nos conta outros actos que se desenvolveron ao longo da xornada festiva, como foi o nomeamento de cabaleiros e donas da orde da ameixa, entre outras actividades.
