“Ribeiras de Salitre” desprázase ata o porto de Celeiro, na costa de Lugo, que conta cunha confraría de 470 mariñeiros, un deles é Xosé Novo, que está ao cargo do complexo portuario. Novo, coas súas lembranzas de mariñeiro de toda a vida, é a historia vivinte da bravura do Cantábrico. Sendo aínda un rapaz, con só quince anos, xa sufriu un naufraxio en que morreron 32 seus compañeiros daquela. Outra personaxe do mesmo enclave e do mesmo mar que pasa a diario polas instalacións do peirao é Cristina Mariño, que traballa preparando o peixe que vai ser exportado.
As irmás Nieves e Mari Carme Ramos traballan no sector conserveiro nun porto que chegou a ter nos seus mellores tempos 18 fábricas de conservas. En Celeiro ten porto base o helicóptero gardacostas Pesca 2, que proporciona a importantísima labor de rescate aos buques en perigo de afundimento. “Ribeiras de Salitre”, con X.Henrique Rivadulla á cabeza, accede a montar na nave para experimentar a sensación dun simulacro de salvamento.
