O programa “Pescadores de Historias” achégase ata o porto da Coruña, onde o Servizo de Salvamento marítimo, pertencente ao Ministerio de Fomento, conta coa lancha de salvamento Mirfak, que fai vixilancia e servizos de rescate no tramo de costa que vai dende Malpica ata o porto de Cedeira. Traballar no salvamento marítimo é poñer en risco a propia vida para salvar a dos mariñeiros que teñen accidentes no mar, un traballo que non é doado e que é arriscado física e piscoloxicamente. O programa fala cos tripulantes da lancha Salvamar Mirfak, quen deciden afrontar este difícil reto: os patróns Pablo Varela e Jesús Caamaño, o xefe de máquinas Modesto Lema e o aprendiz José Varela. Pablo foi mariñeiro, traballou na Cruz Vermella e prestou servizo nas Illas Canarias e no Estreito de Xibraltar, onde o traballo máis destacado era o rescate de “pateras”. El afirma que, a pesar do duro dese traballo, para el a Costa da Morte é, sen dubida, o lugar de todo o litoral español onde o rescate de mari