Pescadores de historias
“Pescadores de historias” amosa a singularidade da cultura mariñeira dos diferentes portos galego...
País: España
Idioma: Gallego
Contenido: Reportajes
Tema: Sociedad, Pesca
URL: http://www.crtvg.es/tvg/a-carta/programa/pescadores-de-historias
País: España
Idioma: Gallego
Contenido: Reportajes
Tema: Sociedad, Pesca
URL: http://www.crtvg.es/tvg/a-carta/programa/pescadores-de-historias
Episodios disponibles para ver online
Un museo que está nos corazóns - 09/12/2018 15:45
Porto de Celeiro - 02/12/2018 15:45
Entrar nun porto con seguridade - 25/11/2018 15:45
Percebes de rochas ancestrais - 18/11/2018 15:45
O Muro, símbolo da Coruña mariñeira - 11/11/2018 15:45
As que saben da ausencia. Porto de Malpica - 04/11/2018 15:45
No mar, palabra de muller - 28/10/2018 15:45
As que venden peixe e regalan simpatía - 21/10/2018 15:45
A robaliza, raíña do mar bravo - 14/10/2018 15:30
O palangre en Muxía - 07/10/2018 15:30
Laxe - 30/09/2018 15:45
As mariscadoras do río Allóns - 23/09/2018 15:30
A arte dos carpinteiros de ribeira - 01/07/2018 15:45
As carpinterías de ribeira están consideradas como os templos da cultura mariñeira e tamén como centro de sabedoría artesanal, onde a madeira se converte no elemento transcendental que é o barco. Na ría de Arousa é onde hai o maior número de carpinterías de ribeira de Europa. Desde os tempos máis remotos, cando os homes e mulleres emprenderon a conquista dos mares, as navegacións e os traballos pesqueiros tiveron como base a madeira. Os barcos foron durante séculos exclusivamente de madeira. Hoxe hai novos materiais que non se desprezan, pero desde o programa reivindicarase que a vixencia da madeira. Rivadulla Corcón mantén unha conversa moi enriquecedora con Ramón e Manolo, irmáns Collazo, carpinteiros de ribeira en Rianxo, no estaleiro Catoira; e con Ramón Vicente, un bateeiro que aposta pola madeira no seu barco; con Lita Places, a secretaria da Asociación Galega de Carpinteiros de Ribeira AGALCARI, que engloba a todos os carpinteiros de ribeira de Galicia; co carpinteiro de ribeira
Cultivo singular da ameixa (Carril) - 24/06/2018 15:45
O porto do Carril é famoso pola súa boa ameixa, grazas a un sistema exclusivo, os parques de concesión, cunha tradición que se remonta moitos séculos atrás. X.H. Rivadulla Corcón sae ao mar con Lolita García e o seu fillo Cristian Brea para coñecer o seu parque e o traballo que realizan nestas parcelas, coma as leiras en terra, onde cada propietario recolle a súa propia ameixa, sen que haxa cotas de recollida establecidas, senón que se regulan polo propio mercado, recollendo segundo vaian os prezos na lonxa. O marisqueo tradicional e o sistema dos parques ten moito en común e hai quen traballa os dous sistemas, como Rita Vidal, Guadalupe Jueguen e Inma Otero, que explican as similitudes e diferenzas. Pola súa parte, Ramón Trigo fala de como se traballaban os parques hai medio século, cando el xa facía ese labor, e o seu fillo, co mesmo nome, conta o que supón para el formar parte dunha tradición importante na familia, xa que é costume que os parques pasen de xeración en xeración. Outro
Lira, memoria do Ariete - 17/06/2018 15:45
“Pescadores de Historias” remóntase ao 25 de febreiro de 1966, cando o Ariete, un destrutor da Armada Española navegaba á deriva fronte á costa de Lira. O barco, con 166 tripulantes, encaiou fronte ás súas rochas e os veciños e veciñas do porto acudiron para facer un perigoso rescate en que conseguiron poñer a salvo toda a tripulación. Un dos lugares onde vibrou con maior intensidade o pulso nos labores de atención aos tripulantes do Ariete foi Casa Louro, que se erixiu nun rudimentario hospital de campaña onde se atendeu a moitos dos náufragos. O programa falará con Manolo Louro, que segue sendo o seu propietario e que tiña 25 anos cando embarrancou o Ariete. O traballo das mulleres foi fundamental, xa que participaron directamente no rescate e fixéronse cargo de atender os tripulantes, facerlles de comer, prepararlles camas e curar feridas. María Dolores Tajes foi unha daquelas mulleres e contará como lembra aquel momento, remarcando moito o espírito solidario das xentes de Lira e do
Nas rochas que bate o mar (Aguiño) - 10/06/2018 15:45
O percebe esperta sempre moito sentimento de orgullo nos portos onde se traballan. Para todos o seu percebe é o mellor. Pero para “Pescadores de Historias” o máis importante é o percebeiro e a percebeira, e aínda que toda a costa galega é mar de bos profesionais, o programa lévanos esta vez a Aguiño, un porto onde se atopa un destacado colectivo.
Aguiño, na ría de Arousa, ten no percebe o recurso máis destacado da súa confraría e a súa lonxa é a que máis percebe comercializa de Galicia: anualmente pasan das 30 toneladas de percebe e traballan este recurso 180 homes e mulleres. E a súa festa do percebe destaca entre todas as festas gastronómicas de Galicia. O traballo do percebeiro é un dos máis arriscados do mar, porque traballa na rompente, onde o mar case nunca descansa.
“Pescadores de Historias” vai ás rochas percebeiras para falar con Concha Ramallo, coa súa filla Miriam Paz, con Ciprián Parada e con José Caneda. Tamén conversa con Andrés Monteagudo, que cando era patrón maior p
Ser bateeiro (Aldán) - 03/06/2018 15:45
Un dos recursos mariños máis destacados no porto de Aldán é o mexillón que se cría en bateas. Desde este porto traballa algo máis dun cento de bateas, o que indica un volume importante de xente realizando un traballo singular dentro do que son os oficios do mar. O equipo do programa atópase no porto de Aldán con Lola Domínguez, hoxe xubilada, que traballou de bateeira, e embarca con Crisanto Marcelino para ir a unha das súas bateas e ver o proceso de desove do mexillón. X.H. Rivadulla Corcón tamén fala con Orlando Piñeiro, que traballa na batea desde hai 23 anos, e con Alfonso Sotelo, un bateeiro con máis de 30 anos neste traballo e que coñece moi ben a evolución deste oficio nas últimas décadas, en que foi considerable a incorporación da maquinaria ao traballo. Outro dos protagonistas do programa é Gustavo Marcelino, un bateeiro de terra que traballa no cocedoiro de “Pescados Marcelino”. Como é habitual, a gastronomía e a música son dous dos ingredientes destacados do programa, que de
Balea á vista! (Cangas) - 27/05/2018 15:45
“Pescadores de Historias” quere ser balea, non baleeiro, aínda que recoñece que a caza da balea permitiu construír a súa vida a moitas familias de portos galegos, é unha parte da historia mariña de Galicia, e a súa pesca ten unha gran épica mariñeira. O programa acode a un dos portos de maior tradición baleeira, o porto de Cangas. Existe documentación sobre a caza da balea en Galicia desde o século XIII, polo tanto, é sen dúbida unha actividade con tradición, que con períodos de distinta incidencia chegou ata o século XX. Cangas foi porto baleeiro documentado desde os anos 20 do pasado século, pero xa dunha forma industrial comeza en 1955 e mantense activa ata 1985, dando emprego a moitas familia de Cangas. As ruínas da factoría baleeira da empresa Massó amosan unha visión decadente, pero foi o centro dunha actividade en terra esplendorosa, todo o contrario do que transmite hoxe. Quen coñeceu ben esta época é Manolo Romero. Tamén os mariñeiros Chuco Alfada, Manuel García e Plácido Mont
No Intecmar, onde se coida o mar (Vilaxoán) - 20/05/2018 15:45
Coidar do mar é unha cuestión central na cultura mariñeira, xa que, se non se fixese, os recursos acabarían esgotándose e a economía das familias mariñeiras sería unha reliquia do pasado. “Pescadores de Historias” acode ao Instituto Tecnolóxico para o Control do Medio Mariño de Galicia, o Intecmar, que se atopa en Vilaxoán, para coñecer como se coida o mar a partir do seu traballo. O equipo do programa acompaña nunha xornada de traballo a Víctor García, un dos técnicos que fan diariamente a análise dos mexillóns nos diferentes polígonos bateeiros das rías galegas para detectar as diferentes toxinas que pidan ser perigosas para o consumo humano. Despois da saída ao mar, o espazo da TVG vai ás instalacións de Intecmar, onde agarda a súa directora, Covadonga Salgado, quen explica todo o traballo que se fai neste organismo, que basicamente é o coidado da calidade das augas de toda a costa galega e loitar contra a contaminación. X.H. Rivadulla Corcón tamén fala con Garbiñe Ayensa, que loita
O fascinante marisqueo a flote (Vilanova de Arousa) - 13/05/2018 15:45
O programa “Pescadores de Historias” visita esta semana un porto cunha importante cantidade de xente traballando o oficio do marisqueo: Vilanova de Arousa. Na súa confraría están rexistradas 78 embarcacións, en que traballan 144 homes e mulleres que capturan principalmente, ameixa, navalla e longueirón. A patroa maior, María José Vales, comenta a importancia do marisqueo para esta Confraría. O equipo do programa tópase tamén con Javier Rey, que explica a forma correcta de manexar o raño para coller a ameixa, e navega na lancha de Alberto Martínez e Manuel Piñeiro, que ás veces comparten embarcación para compartir gastos e acadar maior rendibilidade no traballo. No caso de Alberto, é mariscador desde antes de nacer, xa que a súa nai ía traballar estando embarazada.
Coñecemos as historias dun mergullador que vai á navalla e ao longueirón, un oficio ben distinto ao da ameixa: José María do Val, un pioneiro da captura deste marisco en Vilanova.
No restaurante Faro da Lúa, Óscar Casaldar
E para ir fóra da Arousa? - 06/05/2018 15:45
A Arousa, como din os nativos, está unida á terra por unha ponte que ten só 33 anos. Polo tanto, unha porcentaxe alta da súa poboación actual vivía xa cando non había ponte e para ir fóra da Arousa había barcos regulares de pasaxe, cunha historia moi ligada ás historias persoais dos veciños e veciñas. Existían liñas regulares que ían a Vilanova, pero tamén a outros portos como Ribeira e Vilagarcía, con barcos xa míticos na memoria colectiva da Arousa, como o Marita ou o Ría de Arosa. Como non se pode falar con todos os veciños da Illa, o programa “Pescadores de Historias” ofrece testemuñas representativas como a de Wenceslao Chaves, que construíu unha maqueta moi especial do “Ría de Arosa”. No peirao do Cabodeiro, onde atracaban as motoras de pasaxe, o programa atópase con Lola Folgar, que viaxou moito nestes barcos. Moncho Blanco vivía fronte ao peirao onde atracaban e isto foi determinante na súa vida. Pola súa parte, Gonzalo González foi tripulante da última motora que realizou o se
Vieira, maxia feita mar (Cambados) - 29/04/2018 15:45
“Pescadores de Historias” visita Cambados, vila metida de cheo en plena campaña da vieira. O sabor inconfundible, propio, deste bivalvo fai que se poida considerar como un dos froitos do mar máis máxicos. O programa fala co patrón maior Ruperto Pérez para coñecer este esforzo en que están implicados moitos traballadores e traballadoras. Tamén conversa co patrón do barco Lito Agra, un mariñeiro que leva máis de 40 anos traballando o mar. Ao regresar do mar fala co presidente do colectivo de vieiristas de Cambados, José Luís Martínez; coa xerente da empresa Porto de Cambados, Mar Ambroa, posta en marcha pola Confraría de Cambados, que conta como conseguiron mellorar os beneficios tras encargarse do proceso de eviscerado na propia empresa. Ademais, unha das traballadoras da planta de eviscerado da vieira, Masé Pérez, explica como se fai este traballo, que precisa dunha gran precisión para deixar a vieira limpa e non estragala. O programa remata cunha visita a Lourdes Somoza, no restaurant
O renacer dun vello estaleiro (Bueu) - 22/04/2018 15:45
O barco é o obxecto central da cultura mariñeira. E ten detrás moito traballo, como o que se desenvolve nos estaleiros e carpinterías de ribeira. O programa visita en Bueu o estaleiro da Banda do Río, hoxe pechado, onde se construían barcos desde a década de 1920 ata 2003. Foi recoñecido como Ben de Interese Cultural e vai ser reconstruído para que unha parte da historia do mar de Galicia volva ser presente.
O equipo de “Pescadores de Historias” sae navegar no Playa de Covelo, o último barco feito no estaleiro de Bueu. O seu armador e patrón e José Manuel Agulla e nel sae pescar todos os días. A asociación Os Galos, que se centra na cultura mariñeira e, en especial, nas embarcacións tradicionais, é un colectivo que traballou con esforzo para que o coñecido como o estaleiro de Purro non se perdera para sempre. O presidente dos Galos, Víctor Rodríguez, amosa a súa enorme satisfacción pola rehabilitación do estaleiro.
Ademais, a concelleira de Bueu Silvia Carballo explica por que é tan
O sal do Grove - 15/04/2018 15:45
As fábricas de salgadura foron determinantes na vida do Grove e de toda a comarca do Salnés. Na vila atópanse recuperados os edificios de dúas antigas fábricas de salgadura, emprazadas en Punta Moreiras. Estes edificios rehabilitáronse e instalouse neles o Museo da Pesca e da Salga, como un espazo dedicado amplamente á cultura mariñeira do Grove, inaugurado en 2007. Rivadulla Corcón conversa co seu director, José Luis Escalante.
A posta en marcha do museo foi un interesante proceso, do que falan Miguel Pérez, alcalde do Grove naquela época, e na actualidade presidente da Asociación de Amigo das Salgadeiras de Moreira, e Manolo Ochoa, que era o presidente da Comunidade de Montes.
Á salgadura precédea o traballo do mariñeiro no mar, pescando o peixe que logo se vai salgar, así que se fala con Pepe Fontoira, mariñeiro que coñeceu ben a época da salgadura. Outros convidados involucrados neste proceso son Paco Fuentes, un traballador das antigas fábricas de salgadura; Antonio Lois e Estr
Traiñeiras, esencia mariñeira (Moaña) - 08/04/2018 15:45
A traiñeira é hoxe unha embarcación deportiva para regatas, pero naceu como unha embarcación pesqueira, en que se empregaba a arte, xa en desuso, da traíña, de características similares ao cerco. No porto de Moaña existe unha gran tradición de regatas de traiñeiras. “Pescadores de Historias” inicia a busca das esencias mariñeiras das traiñeiras no barco bateeiro en que traballa un dos deportistas con máis trofeos da historia do remo, Nando Rúa, que competiu cos clubs Samertolameu e Tirán e logo remou no Astillero de Cantabria e no Ondarribia de Euskadi. Actualmente está retirado como remeiro, pero segue vinculado a este deporte coma adestrador do Club de Remo de Cangas.
Remeiros que tamén traballaron no mar son Fernando Malvido e Pepe Costa, que contan como cambiou este deporte, especialmente polos materiais cos que están feitas hoxe as embarcacións e os remos. X.H. Rivadulla Corcón tamén fala con Sonia Boubeta, pioneira do remo feminino en Moaña, que comezou moi nova e acadou campion
Otros programas de reportajes >
Otros programas de TVG (Galicia) >
