O espazo dá voz aos moteiros coa participación de Manuel García, quen forma parte da directiva da Asociación Galega de Motoclubs, e tamén recolle a experiencia dos gardas civís na estrada. O tenente Francisco Javier Molano explica as principais actuacións da Agrupación de Tráfico en relación coas motos e os axentes Héctor Teixeira, Rubén Pereira e Juan Carlos Rodríguez Bello comentan os perigos que pode ter a condución destes vehículos. Ademais, a responsable da Dirección Xeral de Tráfico en Galicia, María Victoria Gómez Dobarro, achega as cifras da accidentalidade deste colectivo.
