“Luz Verde” ponnos ante casos de condución temeraria, frecuentes nas estradas. Amósanos episodios como os piques entre condutores, que inician carreiras sobre o asfalto poñendo en perigo o resto dos usuarios da vía. Os vídeos gravados pola Garda Civil de Tráfico rexistran as infraccións destes condutores que, nos casos máis graves en que causan un dano directo a outros, se enfrontan a causas penais.
O sarxento Manuel Lorenzo, o cabo primeiro José Manuel Sixto e o garda civil Héctor Teixeira comentan algúns dos casos cos que se atopan na estrada no seu día a día, e a maneira en que tratan de poñerlle freo. O tenente coronel Franscisco Javier Molano e o responsable de Tráfico da provincia de Ourense David Llorente profundan na definición das condutas temerarias e nas consecuencias legais destas infraccións. Pola súa banda, a psicóloga Eva Muíño indaga nas causas destas condutas.
