Famosa pola súa espectacular arquitectura e por ser a Capital do Albariño, esta vila costeira celebra todos os mércores e sábados unha feira que atrae a xente de toda a comarca do Salnés. No programa de hoxe, as súas rúas están a piques de encherse de feirantes e compradores dispostos a aproveitar o día. Rafa Durán e Javier Varela visitarán os postos ambulantes e os negocios da zona, para escoller catro lugares nos que deixar os sobres do programa. Despois, percorrerán Cambados para atopar aos aspirantes a concursantes que loiten por conseguir, neste día de feira, ata trescentos euros!!
