A TVG comeza unha nova temporada de “Cos Pés na Terra”, un programa que amosa como homes e mulleres sobradamente preparados que, podendo elixir, optan por vivir da terra e da vida que nela agroma. Coñecen o mundo urbano, poderían escoller outros oficios, outras carreiras, pero decidíronse por un xeito de vivir a un ritmo e cun estilo distintos dos da cidade.
Xoán vive rodeado de ovellas. A súa ilusión é tan contaxiosa que nunca lle falta quen lle bote unha man con elas. Andrea e Suso buscan alternativas novas de diversión, fabricando desde o campo os xogos cos que se entretiñan os nosos antepasdos. A última protagonista é Mariló, que ten verduras de sobra para todos.
