A Televisión de Galicia ofrece hoxe unha entrega particular de “Cos pés na terra”, xa que o espazo dedicado á vida no rural se despraza desta vez á cidade de Vigo. E é que o motivo desta visita tamén ten algo que ver co campo, concretamente cunha iniciativa que desenvolven Quique e Clara na mesma urbe e que permite facer cultivos no centro da cidade grazas ao alugueiro de parcelas. Ademais, o equipo do programa tamén coñecerá en Cotobade a Iván Gulín, un cantante e instrumentista que busca harmonizar o presente e o pasado no monte poñéndolle banda sonora ás fragas do lugar.
