O programa tira hoxe do fío do enxeño de Marta, que foi quen de facer da la de ovella o abrigo do seu día a día. Con ela, refrescamos os saberes dun labor milenario. Ademais, “Cos Pés na Terra” percorre o camiño da horta ao prato na compaña de Xosé, un rapaz suxeito ás tradicións á hora de ter ben mantidos todos os que se achegan ao seu fogar/restaurante.Finalmente, ao equipo do programa tócalles emporcarse cos porcos celtas de Isabel e Antón, uns animais que os axudaron a cambiar de vida a estes rapaces, por máis que houbese cousas que xa traían de serie.