Os reporteiros de “Cos pés na terra” chegarán hoxe a Vilar de Santos, na Baixa Limia, para seguir a pista aos ingredientes dunha hamburguesa feita con produtos de proximidade. A primeira parada para cociñala ten que ver co proxecto de Carabuñas, un pequeno obradoiro artesanal no Sanguñedo onde elaboran conservas e licores en base ao froito do sabugueiro, e fan unha marmelada que lle dará un toque moi especial. Na propia vila, Fer e Carmen, da panadería Faragullas, elaboran os boliños que acompañan o ingrediente fundamental, a carne. Na súa procura chegarán onda Lois, un veciño do concello de Allariz, quen cría uns bois de cebo dos que se obtén unha carne de gran calidade que fai desta hamburguesa un bocado exquisito.
