Coñecemos a Cynthia, que, malia a súa xuventude, foi quen de desenvolver todo un sistema de seu á hora de cultivar, unha rapaza que non quere que se perda todo o que ela aprendeu.
“Cos Pés na Terra” visita tamén Santo André de Teixido para coñecer a Jorge e a súa familia, gardiáns dunha tradición centenaria feita a base de miga de pan e quen lle debe case que todo ao veciño máis ilustre da aldea.
E, por último, o programa celebra o seu particular San Fermín coas vacas do gandeiro Tonecho, un rapaz que ten conta de vacas limiás de pura raza autóctona galega.
