Hoxe, en “Cos Pés Na Terra”, botarémonos ó monte con Silvia e José Manuel, que aproveitan os residuos forestais pra facer con eles cosméticos rurais sostibles e marmeladas diferentes. Practicaremos deporte mentres apañamos repolos con Jorge e Mónica, uns labregos que traballan man con man pra poñer en valor os produtos da horta de Mondoñedo. E por último veremos como lle vai á queixería que montou Ángel hai máis de 20 anos e que ha deixar pronto en mans da súa filla Ana pra poder xubilarse e seguir ideando novos inventos.
