“Cos Pés na Terra” viaxa ata Ponte Sampaio para que Alberto nos revele os segredos de converter madeira en música e, seguindo en clave de Sol, acompaña unha boa tropa de festeiros trouleando ata o solpor. Ademais, o programa comparte unha xornada con María, unha moza disposta a transformar a súa horta nun xardín botánico con tal de que non falte nada no prato. Por último, temos unha cita con Sandra que, ademais de deseñar os galiñeiros máis innovadores, coida os seus pitiños da raza Mos con auténtico amor de nai.