Zoe e Rubén coñécense desde nenos. Rubén quedou colgado de Zoe, pero ela non quería estragar a amizade que os unía. Os seus camiños cruzáronse varias veces e ao final decidiron percorrer un só xuntos.
Esta parella de mozos ten as ideas moi claras e, despois da romántica petición de Rubén, están decididos a casar. Pese a que as súas familias cren que aínda son moi novos para o matrimonio, eles están moi ilusionados co seu enlace. Ademais, a súa nova vida comeza con grandes novidades: Zoe e Rubén van ser pais, unha sorpresa que deixará abraiados os seus convidados.
