A historia de amor desta parella foi aos tombos e, tras deixalo en repetidas ocasións, unha ruptura dun ano ameazou con romper o seu noivado para sempre. Tras un ano enfadados e un reencontro casual, María e David xa non quixeron separarse máis, despois de sete anos de relación. Nos días previos ao enlace, a parella ten que preparar tanto a súa voda como a mudanza ao novo piso, xa que unha vez que estean casados, David deixará a súa familia nas Pontes para ir vivir con María á Coruña.