Andrea e Jacobo coñecéronse nun rally e a súa relación foi toda unha carreira. Aos tres meses xa estaban vivindo xuntos e ao pouco chegou o premio máis importante, seu fillo. Pero en toda carreira hai obstáculos e Andrea e Jacobo tiveron que sortear as murmuracións e a oposición dalgunhas persoas. Por sorte, o amor é máis forte que todo iso e eles apostaron claramente por el. Para sorpresa de Jacobo, Andrea pediulle para casar hai un ano e desde entón preparan unha voda por todo o alto que dará que falar moito tempo.
