Os convidados de Xosé Carlos Caneiro son dúas persoas que abandonaron o seu oficio pola súa paixón, Benigno Campos, cociñeiro e protagonista do programa “Larpeiros” da Televisión de Galicia, e a cantante de fados María do Ceo.
Benigno Campos, natural de Chapela, traballou como técnico naval no estaleiro ata que se consagrou por enteiro á cociña. Hoxe son tantos os seus compromisos que a penas consegue sacar tempo para compartilo co seu neto Adrián. María do Ceo naceu en Portugal, pero marchou vivir a Ourense sendo aínda nena. Traballou de caixeira nun supermercado e, a principios dos anos noventa, deixou toda actividade que non tivese que ver coa música.
