No derradeiro día do mes de xullo e a piques de comezar a vaga de calor, o “Aquí Galicia Tour” desprázase ata a cidade de Vigo, en concreto, ata a praia de Samil. O programa presentado por Lucía Rodríguez conta coa presenza de María Chamadoira, da Asociación de Guías Turísticos de Galicia; e de Juanjo Figueroa, que ofrece o punto gastronómico falando da nova cociña viguesa que esta traspasando fronteiras. Amais, podemos ver un desfile de camisetas tradicionais cun toque contemporáneo.Saíndo de Samil, Tania Veiras lévanos en directo á Xira Campestre de Santa Marta de Ortigueira; mentres que Pepe Capelán asiste en Monforte á Gran Pobra de Resistencia contra o Tractor, un campionato único que fan nas festas de Piñeira. A música do programa póñena o grupo tradicional O Fiadeiro e o cantante e actor Martín Maez.
