“Aquí Galicia” marcha este sábado ata Lugo para gozar dunha das festividades máis populares da cidade, o Arde Lucus. Contará cuns invitados moi especiais, ataviados con roupaxes e interpretando sons e actividades propias da época dos romanos. Para coñecer máis sobre a cidade de Lugo e o Arde Lucus, o programa da TVG emitirá varias reportaxes sobre o pasado romano da urbe. Falarán da historia da muralla e da pegada do pobo itálico na contorna desde o punto de vista da auga, explicando o aproveitamento que fixeron dos enclaves naturais e as construcións que levaron a cabo para gozar de piscinas, termas, río e unha ponte para comunicar o antigo campamento sobre o que medrou o actual enclave.
