Metidos de cheo no outono e a piques de despedir outubro, a caravana do “Aquí Galicia” desprázase ata a cidade de Lugo para gozar das últimas rabexadas do San Froilán e para coñecer os preparativos da festividade do Día de Todos os Santos. Desde a Praza Maior, Lucía Rodríguez, Juan Fuentes e Bernardo Montaña interésanse polo 29 Rally San Froilán, todo un acontecemento social do que pode falar Maite, a filla dun dos primeiros pilotos que participaron neste evento deportivo.
A gastronomía é un dos alicerces destacados ao visitar Lugo. Por iso, o programa entra nalgún dos locais hostaleiros de máis tradición para ir degustar unhas boas tapas ou para xantar e visita as casetas do polbo instaladas no parque Rosalía de Castro.
As cámaras lévannos ao cemiterio municipal de San Froilán, integrado na Ruta de Cemiterios Históricos Europeos, para amosar os valiosos adornos artísticos e históricos, que presentan boa parte das tumbas, así como o mausoleo neogótico situado á entrada do camposanto
