“Aquí Galicia” emítese desde Vilagarcía de Arousa, localidade inmersa nas Festas de Santa Rita, unha das celebracións máis destacadas e tradicionais da vila, que cada 22 de maio atrae milleiros de persoas para venerar a imaxe da santa de Casia, considerada avogada dos imposibles. Ademais de participar dos festexos, o programa fai de turismo pola capital arousá, onde están o pazo-convento de Vista Alegre, sede da romaría de Santa Rita; o castro de Alobre, o paseo marítimo e as praias da zona. Vilagarcía conserva algúns dos mellores exemplos de xardíns botánicos e de camelias máis senlleiros de toda Galicia, así coma de pazos e construcións nobiliarias. “Aquí Galicia” visita o pazo de Rubiáns, que representa á perfección esta conxunción. O Parque Natural das Illas Atlánticas esténdese ata o concello de Vilagarcía de Arousa, onde está a illa de Cortegada. O programa coñece outras facetas da cidade arousá, coma, por exemplo, a súa condición de gran capital cultural da ría, xa que acolle o
