“Aquí Galicia” trasládase á Feira Histórica de Arteixo. Vestidos de época, traxes tradicionais e actividades varias recrean o estilo de vida de principios do século XX nesta localidade.
Ademais de vivir o ambiente da festa, o equipo do programa percorre a ruta xeolóxica e visita o santuario da Nosa Señora da Pastoriza, a ponte dos Brozos e os muíños de Sisalde. Entra nalgúns dos mellores museos científicos e técnicos de España e no polígono industrial de Sabón, un dos maiores de toda Galicia, onde teñen a súa sede importantes empresas. Tamén asiste aos adestramentos dos Clubs de Patín Axel, de Balonmán e de Fútbol feminino. O programa lévanos a percorrer a costa de Arteixo, onde recalan moitos dos mellores practicantes de surf de todo o mundo.
No apartado musical, “Aquí Galicia” conta coa cantante Estela, voz habitual do grupo Samba; Javi Mota, que tras pasar pola orquestra Olympus, retoma a súa traxectoria en solitario; o grupo de música tradicional Pan sen fron, as pandeireteiras
