“Aquí Galicia” desprázase á Guarda para gozar da XXVI Festa da Lagosta e da Cociña Mariñeira. A exaltación deste delicioso crustáceo, en que todos os presentes poden degustar o manxar a prezos populares, tamén se amplía a outros pratos para coñecer os excelentes produtos do mar da costa guardesa.
Ademais da lagosta, queda sitio para probar o bocado doce do famoso roscón de xema, a sobremesa típica da Guarda.
Facendo turismo pola Guarda, o programa fai parada nas praias fluviais de Armona, A Lamiña e O Muíño, ideais para familias con cativos, e as costeiras de Area Grande, Fedorento e O Carreiro, moi frecuentadas polos amantes da vela e o submarinismo. “Aquí Galicia” tamén fala do pasado, presente e futuro do único transbordador galego, o que une A Guarda con Caminha.
Pero se algo non podía faltar nesta visita á Guarda é unha reportaxe sobre o monte de Santa Trega, onde se atopa o máis emblemático e visitado dos castros galegos e desde onde se pode gozar dunhas impresionantes vist
