Galicia está este mércores baixo a influencia das altas presións. Houbo algunhas chuvias a primeira hora ao norte de Lugo, pero arestora o tempo é seco e os ceos están despexados en toda a comunidade. Ascenden tanto as temperaturas mínimas como as máximas, que se agarda que acaden os 36 graos en Ourense, mentres que na Coruña apenas chegarán aos 25. O vento sopra do nordés, máis no litoral que no interior, e con intervalos de vento forte entre Bares e Fisterra.
