Galicia recupera a influencia anticiclónica. Os ceos están despexados en xeral, axudados polos ventos do nordés. As temperaturas experimentan un moderado ascenso, sobre todo as máximas, que oscilarán dos 23 graos da Coruña ata os 27 previstos en Pontevedra e Ourense. Tónica que se manterá ata o domingo. Durante a fin de semana vén máis calor, os termómetros superarán os 30 graos en moitos puntos da comunidade.
