Persiste a inestabilidade atmosférica, con circulación do oeste que achega humidade do mar. O día amenceu con ceos moi nubrados e mesmo con orballos na metade oeste. Pola tarde iranse abrindo claros, mentres que no leste da comunidade pode haber treboadas. As máximas sufrirán un descenso, máis acusado no interior. Roldarán os 23 graos nas principais cidades e os 28 en Ourense. Durante a fin de semana o tempo seguirá inestable e xa a vindeira semana Galicia recuperará a influencia anticiclónica, con tempo seco e ascenso das temperaturas.
