Cambia o tempo. Debilítase o anticiclón e aumenta a inestabilidade atmosférica. Hoxe temos brétemas costeiras e nubes de evolución que poden derivar en chuvascos tormentosos pola tarde, máis probables no interior. As temperaturas máximas baixan, sobre todo na metade oeste. Na Coruña agárdanse 23 graos, pero en Ourense aínda hoxe chegarán aos 36. A fin de semana comezará con nubes baixas, temperaturas suaves e treboadas. O domingo será xa de transición cara ao anticiclón.
