Día de chuvascos que nalgún puntos poden ser localmente treboentos. Unicamente se mantén activa unha alerta amarela no interior de Pontevedra por chuvias que poden descargar 40 litros por metro cadrado en doce horas. Rexistros que xa se acadaron durante a mañá en Santiago. Preludio dunha fin de semana que seguirá a ser chuviosa e algo máis fría, mesmo baixará a cota de neve, aínda ao final do día nos 1.000 metros e mañá ao redor dos 800.
