Galicia continúa na influencia das altas presións, con cunha masa de aire moi cálida en superficie, pero afrouxa o vento do nordés. Temos ceos despexados en xeral. A primeiras horas houbo intervalos de nubes baixas na Mariña e co avance da tarde entrarán brétemas costeiras polo oeste. Vento frouxo do nordés, só como brisa ao sur de Fisterra, moderado no litoral norte e con intervalos fortes arredor de Bares. As temperaturas soben de novo, con máximas superando os 35 graos en toda a metade sur, agás nas Rías Baixas, onde baixan un pouco.
