Galicia continúa na influencia das altas presións e con aire cálido en superficie, aumentando o vento do nordés. A primeiras horas tivemos intervalos de nubes no terzo norte para quedar cos ceos pouco nubrados ou despexados en xeral, con nubes de estancamento na Mariña. As temperaturas tiveron lixeiros descensos, sobre todo na metade norte. Nas comarcas do interior e nas Rías Baixas as máximas estarán agora pola tarde por riba dos 35 graos. Os ventos, moderados do nordés, con refachos fortes no litoral entre Bares e Fisterra.
