Austeridade ao principio, que dará froito nesta mesma lexislatura. Así ve Alberto Núñez Feijóo os próximos catro anos no discurso co que opta a ser investido de novo presidente da Xunta. // Os gandeiros galegos deixan de entregar o leite á industria de forma indefinida. É a maneira de protestar porque levan meses pagándollo por debaixo dos custes de produción. // Segundo día de preguntas para José Luis López Sors. O daquela director Xeral da Mariña Mercante culpou do rumbo errático do petroleiro e da marea negra á empresa encargada do seu rescate. // Quince organizacións empresarias hispano-lusas incorporáronse á Rede Ibérica de entidades transfronteirizas. Pretenden influír nas políticas europeas. // Comezan a comercializarse os primeiros clons de albariño certificados a nivel mundial. // O Celta consigue a vitoria na Romareda ante o Real Zaragoza e mete algo de distancia con respecto ós postos de descenso. // As primeiras imaxes de neve do outono. 27/11/12