Preocupación entre aforradores da Costa da Morte, na Coruña, temerosos polo destino dos seus cartos. Sospeitan que un axente de banca que traballa na zona de Laxe puido desviar de xeito irregular os fondos que lle confiaran // Renunciou ao seu cargo Adrián Varela, o xove concelleiro de Santiago imputado na operación Pokémon. O anuncio prodúcese despois de que sete dos seus compañeiros foran xulgados, acusados dun presunto delicto de prevaricación por ter votado a favor de que o concello le pagase o avogado para levar a súa defensa // A Xunta vai intensificar a vixilancia contra incendios nesas 79 parroquias que, nos últimos 5 anos rexistraron un número sospeitosamente alto de incendios. Tamén quere potenciar a concienciación dos veciños contra o lume e controlará as axudas públicas que reciban para o coidado do monte. 27/05/14
