Galicia está a sofrir as consecuencias do forte temporal con centro nas Illas Británicas. Aquí traerá intensas choivas e fortes ventos polo que está decretada a alerta laranxa na provincia da Coruña .Na costa noroeste desta provincia, o aviso será vermello a partir da media noite porque se agardan ventos de ata 130 km/hora.Os afortunados aos que lles tocou a lotería do nadal viven hoxe un día de celebración e cálculos. A localidade pontevedresa do Rosal foi a máis beneficiada, ao ver premiados dez décimos do gordo, logo dun ano no que se vira afectada por incendios e participacións preferentes. O Conselleiro de Economía pídelle a Navantia que presente un proxecto competitivo, en calidade e prezo, para optar á construcción de compoñentes para o megaparque enerxético que Iberdrola vai instalar no Mar do Norte. Díxoo no asinamento dun convenio que permitirá seguir traballando en Galiica ós investigadores do CSIC. (23/12/13)