O Comisario europeo de Pesca, en Vigo, escoita as queixas do sector sobre o Regulamento de Control de Capturas, e, como responsable comunitario de Medio Ambiente, destaca o proxecto de Inditex para levantar unha planta de fabricación de textís a partir da madeira.. // O reparto das axudas europeas para a recuperación económica protagonizan o debate político. Os socialistas reclaman un encontro persoal co presidente, mentres os populares piden máis apoio dos demáis grupos para os proxectos das empresas galegas. // A minaría galega estuda en Santiago a crise do sector e a dependencia de materias primas que está afectar a sectores estratéxicos da nosa economía como a automoción, o naval, ou as novas tecnoloxías. // Durante a pandemia medrou a demanda de cans e tamén o roubo destes animais, sobre todo, dos de raza pura. Roubaríanos para revendelos ou para usalos como reprodutores. 20-09-2021
