Ocupación dos locais ao cen por cento, barras incluídas, horarios ampliados e fin das restricións en comercios, ximnasios e outras actividades. É o paso á normalidade que supón o remate da emerxencia sanitaria. // A Xunta advirte de que algunhas normas de prevención deberán seguir en uso, como a máscara. O lecer nocturno recupera tamén as cabidas e a apertura ata as cinco da mañá, pero deberá pedir aos clientes o Certificado Covid. // Cómo chegar a ser piloto, profesional da banda deseñada ou acceder ao Exército. Son preguntas que se poden respostar no Salón Edugal, en Pontevedra, que reúne a oferta formativa galega, cun amplo espazo para FP e os graos universitarios. // O Museo da Limia réndelle homenaxe a Antón Tovar, o escritor ourensán falecido en 2004, ao cumprírense cen anos do nacemento do que foi unha das voces poéticas máis destacadas do século XX. 22-10-2021
