Detidos 17 membros dos Riazor Blues na Coruña esta mañá, dentro da segunda fase da chamada Operación Neptuno na que se busca os autores materiais da morte do siareiro do deportivo Francisco Javier Romero o 30 de novembro en Madrid. Permanecen nos calabozos do cuartel de Lonzas. Silencio e loito en Boiro polos tres mariñeiros do Paquito Segundo que naufragaron no bateiro o pasado martes. Segue a busca de dous dos tripulantes da embarcación despois de onte a tarde fora localizado o corpo do patrón a tres millas de onde afundiu o seu barco. Os socialistas pensan que a Xunta debe aproveitar a reanudación das relacións entre Estados Unidos e Cuba en beneficio dos intereses dos galegos que foron expropiados pola revolución. O Presidente da Xunta califica os novos contactos de boa noticia e agarda que sirva para mellorar a vida dos cubanos. (18/12/14)
